Forumi Transparenca, të martën mbrëma në Prizren ka mbajtur ciklin e katërt të debatit “Ballafaqim” me temën “Çfarë trajtimi për diasporën?”. Panelistë në këtë debatit ishin z. Ilir Baldedaj, drejtor i Drejtorisë së Administratës Komunale, z.Ruzhdi Hoxha, koordinator i Zyrës së Gjendjes Civile në komunën e Prizrenit dhe z.Vesel Gashi, zyrtar i Policisë së Kosovës. Panelistët janë përballur me anëtarët e Forumit Transparenca, të përbërë nga gazetarët dhe aktivistët e shoqërisë civile si dhe me përfaqësuesit e partive politike opozitare në Prizren, ndërkohë që debati u moderua nga gazetarja, znj.Myrvete Axhami. Lexo njoftimin.